1. Kush jemi ne
Adresa jonë e faqes së internetit është: https://zeta-ks.com, dhe është pronë e Retail Fashion SH.P.K., një kompani e regjistruar sipas ligjeve në Republikën e Kosovës.
2. Të dhënat që mbledhim
Gjatë ndërveprimit tuaj me platformën tonë, ne mund të mbledhim të dhëna të ndryshme personale të cilat janë të domosdoshme për ofrimin e shërbimeve tona. Këto të dhëna përfshijnë emrin dhe mbiemrin tuaj, numrin e telefonit, adresën e dorëzimit, adresën e email-it në rast regjistrimi, si dhe informacion lidhur me veprimtarinë tuaj në faqe, përfshirë produktet e ruajtura në shportë ose listën e të preferuarave dhe historikun e porosive të realizuara. Ne nuk mbledhim asnjë të dhënë financiare, pasi pagesa realizohet vetëm në mënyrë fizike në momentin e dorëzimit.
3. Qëllimi i përpunimit të të dhënave
Të dhënat personale që mbledhim përpunohen në mënyrë të drejtë dhe transparente, dhe përdoren vetëm për përpunimin dhe dorëzimin e porosive, komunikimin me klientin për konfirmim apo informim lidhur me statusin e porosisë, administrimin dhe mirëmbajtjen e llogarive të përdoruesve, përmirësimin e përvojës së përdorimit të platformës dhe, kur është e nevojshme, për të përmbushur detyrimet tona ligjore.
4. Siguria e të dhënave
Të dhënat tuaja personale ruhen në mënyrë të sigurtë në sistemet tona për aq kohë sa është e nevojshme për përmbushjen e qëllimeve për të cilat janë mbledhur, ose për aq kohë sa kërkohet nga ligji në fuqi. Ne ndërmarrim masa teknike dhe organizative për të garantuar që të dhënat personale të mos ekspozohen ndaj qasjeve të paautorizuara, humbjeve, shkatërrimeve apo përpunimeve të paautorizuara
5. Përdorimi i cookies
Faqja jonë përdor teknologjinë e njohur si cookies me qëllim të ofrimit të funksionaliteteve të caktuara, si dhe për të analizuar mënyrën se si përdoruesit ndërveprojnë me platformën. Këto skedarë ndihmojnë në personalizimin e përvojës suaj, duke ruajtur preferencat ose informacionet për seancat aktuale. Përdoruesit kanë të drejtë të modifikojnë cilësimet e cookies përmes opsioneve të shfletuesit të tyre, duke kufizuar ose bllokuar funksionimin e tyre.
6. Shkëmbimi i të dhënave me palë të treta
Ne nuk i shpërndajmë, shesim apo transferojmë të dhënat tuaja personale tek palë të treta për qëllime tregtare. Të dhënat mund t’u bëhen të qasshme vetëm partnerëve tanë të besuar, të cilët ofrojnë shërbime teknike të domosdoshme për funksionimin e platformës, dhe vetëm në rastet kur kjo është e nevojshme për realizimin e shërbimit të porositur. Gjithashtu, të dhënat mund të zbulohen në raste të përcaktuara nga ligji ose me kërkesë të autoriteteve shtetërore.
7. Të drejtat e përdoruesve
Ju keni të drejtë të kërkoni qasje në të dhënat tuaja personale, të kërkoni përmirësimin ose përditësimin e tyre, si dhe të kërkoni fshirjen e tyre kur të dhënat nuk janë më të nevojshme për qëllimet për të cilat janë mbledhur.
Ju keni gjithashtu të drejtë të kundërshtoni përpunimin e të dhënave tuaja në rrethana të caktuara, si dhe të kërkoni transferimin e të dhënave në një palë tjetër kur kjo është e mundur teknikisht.
Për ushtrimin e këtyre të drejtave ose për çdo kërkesë tjetër lidhur me privatësinë, ju mund të na kontaktoni në adresën zyrtare të email-it: info@zeta-ks.com.
8. Ndryshime në politikën e privatësisë
ZETA rezervon të drejtën të ndryshojë këtë politikë privatësie në çdo kohë, në përputhje me ndryshimet në ligj apo në politikat e brendshme të kompanisë. Çdo ndryshim do të publikohet në këtë faqe dhe do të hyjë në fuqi menjëherë pas publikimit. Përdoruesit inkurajohen ta rishikojnë këtë politikë në mënyrë periodike për t’u informuar mbi çdo përditësim.
English